Embassy Suites Aruba Resort cu masha orguyo a anuncia ayera, un noticia emocionante, cu e propietario di e edificio, Natura Development NV, a gana e premio di Hilton Americas Development Award 2023 como e desaroyado di construccion nobo p’e marca Embassy Suites pa Caribe y henter Latino America! Sin duda un tremendo noticia pa Natura Development, bou direccion di e inversionista Joan Fereira.
“Nos ta hopi orguyoso di e logro aki y nos ta gradici p’e colaboracion cu a hacie posibel,” ta loke Pablo Casal, gerente general di e hotel a expresa. Den e mesun rosea el a gradici Natura Development NV pa nan dedicacion y vision pa yuda e hotel crece y proporciona experiencia inolvidabel di estadia. “Nos ta spera di sigui traha hunto y atende mas huesped den mas destino rond mundo,” Casal a expresa na final.
Di parti di e Chief Financial Officer y presidente di Global Development di Hilton, Kevin Jacobs, el a expresa su satisfaccion y alegria p’e premio adkiri pa Embassy Suites by Hilton den Caribe y Latino America. E premio aki ta celebra e pasion, e creatividad y e spirito innovador di e propietarionan, socio di desaroyo y ekipo hotelero den Americas den varios categoria.
A gradici pa e colaboracion di Natura Development pa yuda haci e “network effect” di Embassy Suites by Hilton Resorts crece y ofrece experiencia di estadia inolvidabel. E hotel lo sigui enfoca pa ta e miho socio hotelero pa Natura Development y hunto lo ta bon posiciona pa enfrenta cualkier situacion cu presenta. Lo mantene nan mes increiblemente optimista riba futuro di e negoshi y capacidad di impulsa exito.
Kevin Jacobs a felicita henter e team p’e reconocemento importante aki, agregando cu den nomber di henter e ekipo di Hilton, ta spera pa continua nan cooperacion sirbiendo mas huesped den mas destino rond mundo.
Tocante Embassy by Hilton
Embassy by Hilton, ta un di e 18 marcanan lider den e mercado di Hilton, cu ta dedica na ofrece loke ta mas importante pa e biahero. Servicio completo, accesibel y exclusivo ta loke e marca ta ofrece na biahero di placer y pa negoshi. Embassy Suites by Hilton ta number un den su clase, cu ta ofrece two-room suites, free made-to-order breakfast, open atrium, 24-hour fitness centers y complimentary evening reception. Embassy Suites by Hilton tin mas di 260 hotel y 42 propiedad den desaroyo.
Tocante Embassy Suites by Hilton Aruba Resort
E compleho di construccion nobo di 8 piso y 300+ suites na Aruba, ta conta cu suitenan espacioso y exclusivo di Embassy Suites by Hilton, ekipa cu un sala apart, un camber priva y un minibar cu microwave, minifridge y koffiepot. E compleho ta brinda un espacio flexibel pa reunion di 6 mil pia cuadra, un spa di mas di 3000 pia cuadra, piscina den aire liber, un gym y casino, cu lo habri dentro di algun tempo mas. E hotel nobo ta ofrece un restaurant exclusivo, un bar y opcion di un grab-and-go dining pa un snack lihe. Huespednan tambe ta disfruta di servicionan exclusivo, cu ta inclui desayuno di cortesia prepara na bo gusto y recepcion anochi cu snacks y bebida.
Contrario na tur otro Embassy Suites na mundo, den caso di Aruba, a debuta un hotel na nivel “upscale”, conoci como e “all-suite” Embassy Suites by Hilton na Aruba. Doño di e edificio ta Natura Development NV, cu a cera un acuerdo di operacion cu Hilton. E edificio di 300+ suite oceanfront Embassy Suites by Hilton Aruba Resort, ta marca e di dos hotel di Hilton riba nos isla y ta reenforsa e plannan continuo di expansion di e compania den Caribe.
Ta for di aña 2016 caba a start cu preparacionnan y desde 2018 e trabounan di construccion a cuminsa, planea pa a keda cla na 2021. Pero debi na pandemia y e medidanan di distanciamento social, a stroba e proyecto y a tuma por lo menos dos aña mas pa por a keda cla.
