Arucar Body Shop ta orguyoso di celebra e logro remarcabel di 40 aña di Elvis Trimon, un miembro altamente valioso y dedica di nos ekipo. Elvis, miho conoci como Ebe, a cuminsa su trayectoria cu nos compania ruman, Topcar, dia 28 di juni 1983 como bodyman. Y desde prome di januari 2008 a uni na e famia di Arucar Bodyshop. Elvis a demostra su habilidadnan excepcional y su dedicacion sin wak mas leu pa un total di cuater decada impresionante.
Durante su carera Elvis Trimon a demostra un nivel extraordinario di profesionalismo, ganando admiracion y respet di su colega- y superiornan. Marciano Angela, director na Arucar Body Shop, ta describi Elvis como un persona directo y organisa den su trabou. “Elvis no ta un persona cu ta beat around the bush,” Angela ta bisa, poniendo enfasis riba e enfoke directo di Elvis. “E ta sa di duna critica constructivo continuamente, cu a ser aprecia masha durante e añanan.”
Honman Chow, director interino na Arucar Body Shop, tambe ta aplaudi e contribucionnan di Elvis Trimon y ta felicit’e riba e logro remarcabel aki. Chow ta reconoce e dedicacion y compromiso di Elvis, cu siguramente a contribui na e exito y reputacion di nos compania.
Elvis Trimon ta acompaña cu Vivian y ta un tata orguyoso di dos yiu, Darvin Elia y Elvienne Darlin. Famia di Elvis semper a duna un sosten y inspiracion constante durante su trayectoria, permiti’e pa resalta den su carera manteniendo un bida personal satisfactorio.
Na nomber di henter e team di Arucar Body Shop, nos ta extende un felicitacion na Elvis Trimon pa e logro di 40 aña cu nos organisacion. Su dedicacion sin limite, compromiso y talento a hunga un papel integral den exito y crecemento di nos compania.
