Den oranan di marduga a bin topa cu un cabayero riba caminda di Bushiri y a dune ordo pa para. Tras di stuur di un Toyota Corola blau numera A-20070, e persona aki tabata mustra di ta coriendo bou di influencia.
Esaki a sosode net band’i Coburg na Bushiri. Polis na yegada a kita e yabi mesoraa di e persona mirando cu e no tabata den estado pa core auto mas. Segun el a conta, e tabata den un celebracion di cumpleaños y a bebe met dos drinks di mas.
Por a tuma nota cu e tabata ainda den ambiente di celebracion, tabata combersa masha ameno cu e agentenan policial na sitio aunke cu e tabata na boei caba. A bise cu lo trate nechi den warda y cu e lo tin un bon luga pa sosega te mainda.
Mientras tabata sperando e auto di transporte, a laga e auto na lock den parking lot di Coburg. Procedura normal ta cu e ta presenta dilanti un subfiscal, ta pasa e anochi na warda y mainda ta recobra su libertad. Tin di menciona cu e anochi aki tabata tin basta asistencia caminda a bin topa cu diferente chauffeur bou influencia di alcohol tras di stuur, algun envolvi den accidentenan basta fuerte.
