Durante un conferencia di prensa, Edgard Vrolijk, miembro di parlamento pa partido MEP, a elabora ariba un voicenote di un miembro di un sindicato cu ta bayendo rond y ta purba trece panico den pueblo. Vrolijk ta amplia mas ariba e tema aki.
Segun Edgard Vrolijk, crea panico den un pais, tur hende por. Pero e ta enfatisa cu e no ta kere den e sistema ey, pero ta kere hopi den combersacion y duna informacion. Pero ta un lastima pa un sindicalista sali papia co’i loco den su desesperacion politico, Vrolijk a sigui bisa. Den e caso aki, Vrolijk ta invita e sindicalista en cuestion, cu ta purba di crea panico, pero ta pone e cara di su miembronan na berguensa, na un reunion publico pa awe, diahuebs, pa 3:00PM unda cu tur e ministernan lo ta presente na parlamento, pa duna cuenta di e uitvoeringsrapportage.
Den e reunion aki lo splica den detayes, di unda nan ta na e momentonan aki, cual ta e investigacionnan cu tin actualmente. Despues di investigacionnan, lo bin rapportnan, unda cu lo tin cierto cosnan cu no ta cana bon, pero cu Aruba hunto cu Reino lo mester dicidi con ta atende cu esey.
Si e sindicalista en cuestion, en berdad, kier haya tur informacion, parlamento lo tin tur esaki durante e reunion publico di diahuebs 3:00PM Edgard Vrolijk a termina bisando.
