Den oranan di atardi, pa mas of menos 4:00PM, a drenta informacion di un atraco arma den area di Pos Abao. Ta trata aki di un cabayero cu tabata den su auto KIA Cerato, y un persona cu arma di candela a acerc’e. E ladron aki a bay cu su pertenencianan, entre otro un celular, cartera, etc.
Aparentemente ta trata di un persona color scur, bisti cu un jacket a atraca e persona cu arma di candela. Varios unidad di diferente districto a yega Pos Abao pa asina busca den vecindario pa e delincuente.
Segun e victima, e atracador tin un jacket bisti y ta color scur. Persona atraca mes kier a bay tras di e atracadonan, pero e no a logra. Polis a topa cu e persona y otro dos persona cu lo tabata cuadra cu cierto descripcion, pero no tabata tin di haber cu e atraco. E persona ta arma y considera peligroso. Mientras tanto polis ta keda busca e delincuente.
