E personal di Migracion a para un homber na momento cu el a yega Aruba. E ta procedente di Ecuador. E personal di Migracion Aruba ta prepara pa detecta cosnan sospechoso di pasahero cu yega Aruba.
Den e caso aki a mira cu e visa di e pasahero procedente di Ecuador no ta mustra bon. A pidi presencia di e polisnan na frontera cu a bin acerca pa investiga mas leu. Esaki ta algo castigabel, ora purba drenta un pais cu documento falso. Pesey mes a bay over na interoga e pasahero. A confirma cu e documento ta falso. A bay over na detencion.
A busk’e na airport y hib’e dilanti un subfiscal. Djey a hib’e na warda di recherche pendiente interogacion.
