Cu su slogan “Ami ta cu bo”, asina Minister di Labor, Integracion y Energia, Glenbert Croes, a anuncia cu el a caba di firma e decreto pa oficialisa aumento di salario minimo na Aruba.
“Mi a cabi firma e decreto pa aumento di salario mínimo entrante 1 di januari 2023 como Minister di Labor Energia y Integracion. Aumento di Salario Mínimo door di Gobierno di MEP 2001 – 2009 cu 431 florin. Gobierno di AVP 2009 – 2017 a aument’e cu 134 florin. Den 5 aña Gabinete Wever Croes 1 y 2 nos a aumenta salario mínimo caba cu 216.06 florin. Progreso mester ta pa tur”, di acuerdo cu e mandatario.
Desde 1 di januari 2023 e salario minimo ta subi cu Afl. 78,06 pa e bira Afl. 1893,41 pa luna.
