Awe mainta a cuminsa cu e di dos tanda di vacuna na Club Don Bosco na Noord. Manera planea den e programa di ehecucion di vacunacion, diamars atardi Aruba a ricibi un total di 12800 vacuna di Pfizer. Consecuentemente nos isla ta yegando 30 mil persona cu a registra pa haya e vacuna, ya caba mas di 11 mil hende a vacuna di cual mas di 9 mil ta persona riba edad di 60 aña.
Como cu e registracion ta bayendo asina bon Aruba cu Hulanda a acorda cu Aruba lo ricibi su di 3 batch di vacuna cada 2 siman embes di 3 siman manera e tabata acorda anteriormente. Aruba tin capacidad pa vacuna mas di 1500 persona pa dia y compara cu e otro islanan den reino Aruba ta sobresali den mas registro pa e vacuna.
Ta keda pidi pueblo di Aruba pa registra si ainda bo no a haci esaki. Descarga e aplicacion di “Aruba Health App” of acudi na un di e 4 oficinanan di MFA rond di nos isla y registra pa haya e vacuna. Personanan cu ta indocumenta tambe por registra pa haya e vacuna pero esaki por sosode solamente na e oficinanan di MFA. Tambe ta pidi e famianan mas jong pa yuda nan famia di mas edad cu no por traha cu e aplicacion pa registra, un yuda otro.
Hunto nos lo logra vence e pandemia aki. Ban sigui vacuna Aruba, ban sigui salba bida y ban prospera pa nos por progresa.
