DOW ta basta druk bezig y ta sinti cu tin demanda dimas pa loke ta asfalt. Director di DOW, Marlon Croes, a splica cu tin e trabao di Green Corridor/Watty Vos Boulevard, cu ta proyectonan grandi. Pero den cuadro di e fondonan di FDA cu a resta, un cierto cantidad di suma a wordo aloca pa nos infrastructura y a base di esey ta construyendo diferente caminda den barionan residencial, cu tin caminda di santo cu ta bira caminda di asfalt awor aki pa aumenta e calidad di bida, menos stof. Esey ta tumando luga y e demanda naturalmente ta grandi. Tin un timetable basta preta pa por cumpli cun’e. Pa e motibo eynan, pa yega e timetable aki, a yena e capacidad cu tin na Aruba, door di uza ambos contratista, esta den e caso aki BIC y Arubaanse Wegenbouw cu nan plantanan di asfalt y tambe nan ekipo cu nan ta huur, ta trahando e careteranan. Tin cu bisa cu e ta bayendo bon riba schema.
A haya e prome problema caminda cu un di e ekiponan a kibra. A sinta cu e contratista caminda cu a mira riba e compromiso y garantia pa cumpli cu e demanda di e schedule cu tin y a confirma cu nan por cumpli cun’e. Tin e garantia cu por termina cu e careteranan aki riba tempo relativamente cortico.
Reaccion di pueblo
Unda cu DOW drenta, cu nan asfalta. Ta conseha Gobierno riba cierto camindanan y si tin fondo necesario, ta haci esaki. Tin cu remarca cu durante e trabaonan cu ta wordo haci, toch ta bay resta placa door cu ta trahando di tal manera, cu ta mas zuinig y e placa cu ta resta, ta bira traha camindanan extra pa por cumpli cu e demandanan.
