Mainta a sosode un accidente na momento cu dos auto di e mesun marca, pero cu color diferente a dal tras di otro, pa falta di concentracion di un chauffeur.
E hecho aki a tuma luga rond di 9.30 di mainta, net dilanti di Moko 4-A. E dos Toyotanan Passo tabata core tras di otro. Dado momento esun color creme no a paga tino cu e chauffeur femenino di esun color blanco a para pa baha un persona. Consecuentemente el a dal tras di dje.
E autonan no a haya hopi daño material pero si e dama chauffeur di e Toyota Passo blanco ta sinti dolor di lomba y nek pa cual a dicidi di pidi presencia di ambulance pa haci un check up.
