Parce cu dialuna tabata e dia cu autonan ta dal tras di otro. Mainta tabatin un accidente asina na Moko y e di dos accidente pa e mesun motibo a sosode riba De La Sallestraat.
Tabata un poco prome cu 10’or cu e accidente a sosode riba De La Sallestraat, pa ta exacto net dilanti Laboratorio Familiar.
E chauffeur di un pickup Toyota Hilux numera A-40254 pa un motibo of otro no a regula velocidad y a bay dal bastante fuerte tras di un Toyota Vitz numera A-67476.
Di biaha a solicita pa ambulance bin na e sitio debi cu e chauffeur dama den e Vitz a resulta levemente herida y lo ta na estado. E dama a subi ambulance riba su propio forsa pa haci un chekeo necesario.
Trafico a keda basta stagna e momento ey y autonan mester a desvia y subi acera pa por a sigui nan rumbo.
E daño material ta bastante, un mas cu e otro. Roadservice di ambos auto envolvi a tuma dato pa procesa cu nan respectivo compania di seguro.
