Dialuna mainta a desplega dos F-16 Hulandes pa intercepta bombarderonan Ruso. E dos aparatonan Ruso tabata bula cerca di e espacio aereo Hulandes, pa cual Minister di Defensa a dicidi di manda dos avion Hulandes laira.
A señala e dos bombarderonan Ruso riba awa internacional panort di Dinamarca. E Forsanan Aereo Danes a logra intercepta e avionnan Ruso, despues di cual e bombarderonan a bira beki. Como resultado e bombarderonan no a drenta den e espacio aereo Hulandes.
Ministerio di Defensa a informa cu varios biaha pa aña sa pasa cu e avionnan di combate Ruso ta yega cerca di e espacio aereo Hulandes. Sinembargo, dialuna mainta, Ministerio di Defensa a anuncia e Quick Reaction Alert y rapidamente a manda e dos avionnan di caza laira.
“Esaki no ta sosode regularmente, pero e incidente di awa ta demostra e importancia di un despliegue rapido.” Ministerio di Defensa a informa den un comunicado.
Motibo pa cual e dos bombarderonan Ruso tabata bula panort di Dinamarca no ta conoci.
Vigilancia di e espacio aereo di Benelux
E dos F-16 Hulandes a regresa e base aereo di Volkell. Eynan, dos F-16 arma tabata riba standby 24 ora pa dia p’e casonan aki. Den cooperacion cu Belgica, esaki ta proteha e espacio aereo di Benelux.
For di memey di april, Hulanda mester vigila su espacio aereo bek. Na comienso di e aña aki, varios biaha Hulanda a intercepta avion Ruso procedente di Polonia. Den e pais aki, ocho F-35 Hulandes ta prepara pa vigila e espacio aereo di NATO.
