Tabata na luna di april 2022, cu un grupo di amigo a cuminsa un competencia di domino, entre nan cu nan mes. Como regla a stipula: Tur luna esun cu pasa mas sapato ta gana.
Manera ta conoci, sapato ta ora cu un team di duo, bira gana e otro ekipo duo, cu un score di 100 pa 0. Esey kiermen cu e otro ekipo no a logra gana ningun wega.
Pa locual ta aña 2022, e ganado absoluto a bay pa e hungado Gregory Nassy, cu un total di 42 sapato duna den e ultimo 9 lunanan di aña 2022.
Riba e potret por mira con e director di Wermus Real Estate, esta Gillmar Werleman, ta otorga e plakkaat na e campeon di aña 2022.
