Orlando Orman ta na cabes di DOMESA na Aruba pa 30 aña caba. A busca dos flota nobo pa duna e banconan mas servicio y tambe otro clientenan. Ta mas miho pa e empleadonan, pa duna nan un bon ambiente pa nan traha den e autonan.
Orman ta spera cu por duna un bon servicio na e banconan y e empleadonan ta contento y satisfecho.
Confiansa den comunidad
Orman ta sigui splica cu e confiansa den pueblo ta birando mas y mas grandi. A haya basta cliente grandi. Ta pa e motibo ey tin cu duna nan un miho servicio.
Ta pa e motibo ey a busca e autonan.
Naturalmente, un cliente chikito tambe ta bon bini. Tur cliente ta bon bini na DOMESA. E por ta chikito, ta yud’e cu servicio. Esey ta e meta di DOMESA. Duna servicio na tur su clientenan y esun cu kier join tambe.
Tin awor aki 6 auto. A cambia dos auto caba cu ta hopi bieu pa nobo. Den algun aña lo busca 2 mas.
Completo y prepara
E autonan nobo aki a wordo importa for di Merca. Nan ta 100% bullett proof y cla pa ehecuta su trabao.
Un auto asina aki ta bay guera pa un tempo basta largo. Orman ta conta cu den su prome trabao, el a bay cu un auto pa 30 aña. E nobonan tambe por bay pa 30, pero depende di su trato. E autonan aki ta traha sigur sigur pa 20 aña.
E autonan te na Aruba a costa mey miyon dollar, cual ta un cantidad basta considerabel.
