Enseñansa a lanta plat den cierto area. Entre otro na SPO Santa Cruz y savaneta, pasobra nan ta mal contento cu cierto desaroyonan.
Maestronan no a duna les. Algun dia pasa a papia cu minister y el a bisa cu tur cos ta keda OK, pero tin un preocupacion cerca e maestronan.
Nan no ta dunando les. E muchanan a bay cas. Un di e docentenan a comenta cu nan a bin demostra nan preocupacion, cual ta suavemente bisa.
E preocupacion ta grandi cerca e docentenan di Santa Cruz y Savaneta, pasobra a wordo menciona cu nan ta hinca e scolnan hunto.
Mirando cu nan ta docentenan di hopi aña di experiencia, y cu e idea aki no ta recomendabel y no lo bay di acuerdo cu esaki. A traha un carta pa minister, splicando dicon. Nan ta preocupa, ta compronde cu cada minister tin su ideanan y bon funda. Pero ta hopi imporante pa puntra docentenan. Nan ta traha tur dia cu e alumnonan aki, cu ta e alumnonan cu hopi biaha ta esunnan mas delicado. A manda un carta diaranson pa e minister, splicando cu nan ta desacuerdo cu e idea y cu nan ta pensa cu nan no kier pa e fusion na Brazil tuma luga.
E minister a laga sa cu ora e bay asina leu, e lo acerca e docentenan y lo pone nan bira parti di full e proceso aki. Lastimamente diaranson den un reunion, e director adhunto a informa cu diabierna ya ta bezig con nan ta bay ehecuta e fusion. E ora ey coleganan na Savaneta y esunnan di Santa Cruz, a firma un carta, caminda casi tur hende a firma. E ora eynan nan a pone trabao abao pa demostra nan preocupacion. A bisa cu e docentenan lo wordo involucra pero awo a resulta cu e miembronan di directiva so.
E docentenan ta traha cu e alumnonan, nan sa y nan punto di salida ta, e fusion no por bay door. Esey ta haya importante. A demostra den nomber di e alumnonan cu nan no tin voz. E docentenan lo bay duna e voz cu nan merece un enseñansa di calidad.
A papia cu minister y a demostra di ta habri. E docentenan a haya permiso di minister y e inspector di enseñansa pa pone trabao abao, mirando e pakico. Ta alumnonan hopi vulnerabel den nos comunidad, pero merece e calidad di enseñansa. E docentenan ta mustra cu nan ta bayendo den bon rumbo. Falta hopi ainda pa haci na e scol mes, pero pone den un luga chikito, no ta e idea.
E docentenan di Savaneta y Santa Cruz a uni den e mesun pensamento cu e fusion no ta un bon idea, cu lo perhudica e alumnonan, of mester bin dos localidad, manera cu tin awo, of un localidad na Playa.
Pakico Colegio por tin dos localidad, pakico otro scolnan tin localidadnan cerca. Dicon e alumnonan di SPO tin cu bay na un luga na Brazil. Imagina e studiantenan di Noord.
Supuestamente diabierna 1 di Februari lo tin un workshop pa e fusion pa e directivanan di scol.
E localidad di Brazil tabata destina pa SPO na Savaneta, segun e docente. E docentenan di Santa Cruz, ta wak e derechonan di e hoben, di e alumno, cu nan ta menor di edad. E docentenan ta fungi como mama y tata di nan. E scol mes ta carga 146 mucha.
E docentenan tin derecho pa ta na altura kico ta pasando cu nan scol y ta pa e motibo aki mes nan a pone trabao abao pa para pa e muchanan y pa e bienestar y futuro di Aruba.
