Polis a presenta cu urgencia pa un discusion entre dos bisiña cu por poco a bay for di man. Emocion tabata basta halto y ningun ta duna e otro razon.
Esaki a tuma luga den careda di 3:00 pm na un adres na Savaneta. Patruya a presenta y a cuminsa intermedia pa evita cu situacion escala. A logra calma e asunto pero no tin informacion di kico a ocasiona e discordia.
Un rato despues e patruya a bandona sitio y a bolbe na trankilidad den bario. ta spera cu pronto por resolve e diferencia pa asina evita e tipo di sucedidonan aki.
