Disciplina di un pashent di dialyse ta basta estricto

Ora cu bo ta yega asina leu cu bo ta haci Dialyse, ta cu e funcion di riñon no tey mas. Segun Glenda Kelly, hefe di e departamento di Dialyse na ImSan, tin tres tipo di tratamento, manera hemodialyse, aki ta caminda cu e ciruhano ta prepara un ader, caminda cu via dos hangua ta pone e pashent na mashin.

Tin un otro cu ta haci ta via e barica, cu ta peritoneaaldialyse. E otro tratamento ta transplante. Esey ta haci’e na Hulanda. Tur e pashentnan na  Aruba ta bin na remarca pa haya esey tambe via guia, hunto cu hospital. Ta prepara e pashentnan y si nan ta OK, nan ta haya transplante.

E por ta di un cadaver, of e por ta di un famia of un partner. Eseynan ta ora cu ta asina leu, cu dokter ta evalua, ta papia cu e pashent y e famia y e ora ta dicidi kico ta haci.
Loke ta haci na ImSan, ta e tratamento, unda cu e sanger ta wordo haci limpi tanto den e parti di afvalstoffen, esta bo come proteina, tin afbrak producten, unda cu normalmente e riñonnan ta sak’e. Tin mas producto cu nos ta saca for di nos sistema.
Esey ta pasa den e proceso por ehempel cu e ta drenta y ta sinta 3 pa 4 ora, te cu 4 ora y mey, tres biaha pa siman. Nan tin cu bin constantemente.
Esun di barica, e pashent ta mas liber, pasobra e ta haci’e na cas. E pashent ta haya entrenamento di enfermeranan y nan ta haci’e tur dia. Tin un mashin cu nan ta pone nan mes na dje y e pashent ta hopi mas liber den e parti cu si bo ta traha, bo por sigui traha den dia y anochi bo ta dialysa. E ta mas vriendelijk pa nan pasobra e ora nan parti di dieta, di tuma likido.
Pashentnan cu ta haci Hemodialyse, nan tin un restriccion di loke ta bebida. Manera un liter pa dia, all in. Esey ta nifica por ta 700 na likido y e otro 300 ta den cuminda. Kiermen si ta awa, juice, sopi, icecream, fruta, tur ta conta den un liter. E ta hopi dificil pasobra Aruba ta calor. Hopi biaha nan ta bin mas. Ta purba di guia nan den e proceso pa nan no bin dimas, pasobra e ora ey ta dificil pa sak’e. No ta mesun lihe cu e likido drenta, den tres of cuater ora, por saca tanto vocht for di e sistema.
E pashentnan ta wordo guia pa e enfermeronan. Tur ta opgeleid. Tin a studia na hospital, tin na Corsou, tin na Hulanda, tur ta haci un opleiding pa guia e pashentnan den e proceso. Ta un proceso cu bo curpa ta wordo haci constantemente limpi, bo sanger ta sali for di bo sistema. Ta bin cambio den dje. Mayoria ta bay ta ok, pero sa pasa cu e pashentnan por bira malo. Ta purba di guia e pashentnan y splica nan pa nan cuida nan mes. Awe ta dia di Riñon, esta Kidney Day mundialmente. Hopi biaha ta purba di educa e hendenan tambe pa nan cuida prome cu bo yega na Dialyseer. Una bes cu yega eynan, bo no por bay atras mas. Solamente ora bo haya un transplante di riñon. Ora bo haya un riñon, e ora ey bo por stop. Masha tiki tin caso cu hende ta stop bek sin dialyse y hopi biaha ta temporal.

Preocupacion
E preocupacion cu tin ta cada biaha ta sinti cu e sala ta bira chikito pa e cantidad di pashent cu ta bin acerca. Kelly a splica cu e preocupacion ta hopi grandi, pasobra nan ta yen den e parti di cupo, tanto na ImSan como tambe na hospital, te asina leu cu tin entendi. E ora e reto ta cu tur pashent cu bin nobo ta dificil pa duna nan e servicio y sa cu e pashent mester haya dialyse.

Kico un hende ta sinti ora cu nan bira malo
Hopi biaha e ta sluipend. Hopi biaha hende ta haya sa ora cu un hende haci un control. E hendenan ey hopi biaha ta bisa nan pa haci un keuring ora cu solicita pa un trabao, unda cu nan ta haya sa cu nan funcion di riñon ta abao. E otro grupo grandi di pashent cu tin, ta pashentnan diabetico, cu presion halto. Eseynan hopi biaha ta conoci, pasobra nan ta bay na nan dokter di cas. Ta depende con bo ta cuida bo curpa, tanto den comemento y tumamento di remedi. Esey tin hopi problema aki na Aruba. E sistema di tuma remedi. Ta tuma un pildo di presion, presion ta bon y despues ta stop cun’e. Ta conta mescos cu sucu. Na final, tur esey ta daña e riñonnan y esey ta algo grandi.
Sinti cansancio, pasobra e toxiconan den e sistema ta pone nan cansa. Esnan cu ta stop di urina, nan ta hincha. Nan pulmon ta yena cu likido. Ya esey ta un fase hopi leu y a drenta hospital caba. E hendenan na cas cu sa di nan, nan ta sinti nan mes hopi cansa.
Mas tanto e diabeticonan, ta bon bao di control, pero esnan cu nunca sa bay dokter, ta haya nan mes cu sorpresa.

Disciplina di un pashent di dialyse ta basta estricto

Disciplina di un pashent di dialyse ta basta estricto

Posted by 24ora on Thursday, March 14, 2019

Biba cu Dialyse
Un persona por biba hopi aña cu dialyse. Segun Kelly, tur cos ta depende. Tin pashent cu tin casi 20 aña ta dialysa 3 biaha pa siman, aña aden, aña afo. Si bo ta tene bo mes na e regimen cu e dokter bisabo. Hopi biaha pashentnan cu ta bin, ta debi cu nos estilo di bida ta hopi malo y bo no tin e disciplina di come bon y tuma remedi. Hopi biaha ora cu bin na e centro, e ta sigui pasobr e ta bira mas dificil, aki tin limitacion den come y bebe.

Shift
Awor aki, segun Kelly, nan no ta cla pa un di tres shift. Mester di mas personal, cual e director di ImSan ta bezig cun’e. Una bes cu e director ta asina leu, Tin cu bay planie.
Tabata tin e experiencia caba cu e hendenan di St. Maarten a bin, cu a traha un di tres shift. E por, pero mester di mas hende, pasobra e mashinnan aki, una bes cu tin un pashent riba dje, mester di un tempo pa por haci e mashin limpi y desinfect’e prome cu pone otro pashent. Ta papiando aki hopi biaha di hendenan grandi. E por si, e tin cu bira un proceso cu tin cu bay planea bon, bestelling, producto, dokter, laboratorio, enfermera. Por ta mas mashin, tecniconan. E ta un proceso cu lo mester por y mester planie bon.

Tratamento caro
E tratamento aki ta uno caro. Cu excepcion di e tratamento, tur e remedinan rond di dje tambe ta caro, tanto na e centro como na cas.

Mensahe
E mensahe cu Kelly tin ta pa cuida curpa, vooral si bo ta diabetico y si bo ta sufri di presion halto. Realmente haci loke e dokter ta bisa. No bay cambia. Awor aki na tur e dokternan di cas, tin e Praktijk Ondersteuners. Nan por guiabo den e proceso. Tin pashent ta largo den e pre-dialyse fase. Prome cu nan bin dialyse, nan por keda 5 pa 10 aña mes. Nan tin cu controla y haci loke e dokter bisa. E profesionalnan tey pa guia den e proceso. Si bo no bay haci’e, bo ta bay yega cerca e centro di Dialysis, y dificil ta cu si bo yega, no lo tin cupo pabo. E ora bo tin cu dialysa. Bo tin cu bay e ora por ta Colombia, of un caminda cu tin luga p’abo y e ta fastioso. Sigur e no ta nada dushi. E hendenan cu ta dialysa, nan tin nan proceso y limitacion. Ta purba di haci’e mas miho pa nan tin un bon calidad di bida. Alafin, esey ta importante, pa e calidad di bida ta bon. Cada hende tin cu tuma tempo pa esey.
No ta facil pa haya personal pa haci e trabao aki. Nan tin nan standardnan di Hulanda y e ora ey mester tin enfermeranan y esnan cu ta gradua caba tin cu haci un curso den un aña y mey, no ta facil.
Tin curso di esaki na hospital. E aña aki nan ta bay cuminsa y tin tambe na Corsou. Actualmente tin 4 studiante di Corsou trahando cu nan. Nan tin local trahando den e centro, pero tambe nan tin Filipino trahando cu nan. Tin tres cu a resulta hopi bon y nan ta up to date y ta traha hopi bon. Por ta den futuro lo por tin cu busca mas. Hopi biaha hende na Aruba no gusta haci opleiding den zorg. Tin hopi luga pa haci e estudio aki. No ta pa baña hende so. Bo por sigui educa bo mes. Tin asina hopi caminda pa cana, ora cu bo bira un enfermera. E trabao ta paga bon, bo tin trabao sigur, bo tin cu traha. Pero esey ta tur parti di mundo hende tin cu traha. No por haya un salario por nada. Bo tin un stabilidad y bo por yuda bo hendenan. E ta un trabao cu ta bal la pena.

Comments

comments