Directiva di Fundacion Fiestas Patrias Peruano na Aruba (FFPPA) ta informa cu for di 20 di maart 2019 ora nan a mira riba Face Book cu un primo ruman sr. Daniel Caceres Rodriguez di un Peruano residencia na Aruba a anuncia su participacion den un evento Internacional, nan lo duna atencion na esaki.
Mesora nan a acerca e fundacion atrabes di su vice presidente sra. Livany Lujan pa prepara un recepcion di bonbini, supervision, control y haci tur loke ta necesario pa duna e delegacion di Peru un caluroso bonbini na e isla feliz Aruba.
Asina e coordinacionnan necesario a ser haci pa percura pa nan yegada di dia 28 di maart pa 3:30 pm na Aeropuerto Reina Beatrix. Di e manera ey, Livany y henter e directiva di fundacion (FFPPA) a percura pa bishita e deportistanan na hotel Eagle Resorts. Caminda nan a duna nan bonbini, intercambia opinionnan, saca potret y wak pa deportistanan sinti nan mes confortabel. Nan a ricibi grato compania di prensa local. Nan a realisa un conferencia di prensa interesante diabierna ultimo na unda sr. Eduardo, e entrenado a hiba palabra.
]Na su turno a gradici na fundacion (FFPPA) pa e cariño y e gran sintimento patriotico di loke na a biba y ta traha na Aruba. Un danki na e trabou di señor Guillermo Salinas y señora Edith Conde di e fundacion, kendenan a duna nan sosten. Asina tur cos tabata cla pa dia 30 di maart pa e competencia di Hisamento di Peso Internacional. Hopi tabata e competencia y hopi deportistanan di diferente pais a participa.
E deportistanan cu a competi di Peru na Aruba ta Daniel Caceres-Rodriguez, Rafael Franco de la Cuba, Carlos Door, Alex Agramonte den e competencia di Hisamento di Peso Internacional di diasabra 30 di maart ultimo. Directiva di Fundacion Fiestas Patrias Aruba, presidente Guillermo Salinas, Vice presidente Livany Lujan, Secretaria Edith Conde, Tesorero Gloria Benítes, y miembro Carmen Ore ta hopi contento di a duna nan bonbini na Aruba. Directiva ta sumamente orguyoso cu e resultado y logro alcansa di nan deportistanan Peruano durante di e competencia y ta felicita tur cuater pa nan logro di medaya di oro. Den e esfuerso haci ta refleha e frutanan obteni. Ban pa mas! Peru ta stima nan den e categoria halto! Tur a haci un trabou extraordinario. Masha Pabien di parti di directiva di (FFPPA) cu e Medayanan di oro. Y un danki na Departamento di Cultura Aruba pa tur cooperacion.
