Un total di 26.197 plach’i number no ta paga. Esey ta loke cu Departamento di Impuesto (DIMP) a divulga. Meverly Romano, vocero di DIMP a splica cu a tene un administracion. E grupo cu a cumpli cu pago di impuesto di vehiculo di motor ta un total di 61.480 cu ta representa 69% di e numbernan registra.
Esaki ta demostra disciplina pa pago di e sistema di belasting.
E grupo cu no a paga ainda, ta recomenda pa haci esaki awo online. E fin di siman aki DIMP no ta habri, pero si e pagonan por continua. Ta pidi ainda pa haci e pago, no mas tarda cu dialuna, pasobra entrante diamars ta impone e boet cu lo implementa riba esnan cu no a haci e pago. E boet ta 50% di e suma cu nan debe. Esta si e suma ta 150 florin, ta pone 50% riba dje cual ta 75, ta bira 225 florin.
Ta compronde cu hopi hende no tin trabao. Pero di un otro banda DIMP tin un tarea cu e isla y esey ta cumpli cu belasting.
Minister a duna un siman di tempo despues di e deadline. Den un situacion normal nan lo a inclui e naheffing caba. Sinembargo esey no a sosode, dunando asina algun dia mas di tempo. Awor aki, dia 16 di februari p’adilanti, nan lo haya 50% di boet riba nan nomber.
Pa resumi, ainda tin tempo pa paga, pero online pasobra te cu dia 15 di februari, pasobra ya pa dia 16, lo agrega e multa di 50% riba e debe.