Dialuna dia 11 di juni Fundacion Ban Educa y Prepara tawata na cas di cuido cu ta keda na palesia weg pa asina corta cabei di nos grandinan.
E tawata un plaser pa nos y nos kier a duna un danki enorme na e cas di cuido cu nos por a haci e bunita gesto aki pa nan.
Aruba completo lo selebra dia di tata cu tur tata di cas. Tin hopi di nos grandinan cu ta tata y welo pero no ta biba na cas mas. Pesei ta pidi tur cu ta yiu y famia pa no lubida riba nan riba un dia tan special cu ta dia di tata. Bishitanan y sigi duna nan e amor y apresio. Onra e dia di tata aki cu nan. Ora cu nan tawata na cas y tawata fuerte, famianan tawata pasa dia di tata huntu onrando nan forsa como esun cu ta sostene y ta proteha e famia. Awe pa un motibo of otro nan no ta na cas mas y no por duna e famia e proteccion mas pero ta nos turno como yiu pa duna nan e proteccion, e amor y e alegria cu tata ta keda tata unda cu tata por ta.
Pasa tempo cu nan, nan den nan curason lo apresia esei. No tin nada mas dushi pa ta den compania di bo famia. Fundacion Ban Educa y Prepara ta desea tur tata un felis dia di tata diadomingo awor. Pasa un dushi dia como famia. Danki na tur cas di cuido na Aruba cu ta kwidando nos grandinan. Amor ta e sentimiento di mas grandi cu Dios a duna nos tur pa comparti cu otro. Ban sigi comparti amor cu otro y sigi tin amor pa otro.
