Diabierna tabatin e reinauguracion di Taco Bell na Santa Cruz. A haci varios trabao di renobacion, a bin cu un diseño nobo. E restaurant ta completamente renoba, segun Juliska Harms ta representante di Taco Bell na Aruba.
Tin cushina nobo, ekipo nobo; esaki tabata un trabao hopi grandi y cu hopi luna di preparacion. Awo nos por conta cu un restaurant hopi bunita, cushina super moderno, ekipo di lo ultimo, realmente pa sirbi su clientenan miho.
Harms a splica cu diabierna anochi tabatin un actividad cu e banda Active Mirror cu a toca di 8:00 pa 10:00 pm. Diasabra anochi lo tin Buleria di 8:00 pa 10:00 pm na Santa Cruz tambe, den cuadro cu e tienda y imagen nobo. P’esey ta trece musica pa celebra hunto cu Santa Cruz e tienda nobo y bunita aki.
MENU
E menu lo ta esun di semper. Segun Juliska Harms pa aworaki tin den e promocion tin e Quesatacos y tin un Crunchy Burrito. Pero e quesatacos t’e promocion di momento actualmente cu ta hay’e cu carni mula, galiña y steak.
Pa diabierna y diasabra anochi, lo tin como promocion pa e fiesta aki algun sabor di Tropicana Drink, cu ta e lemonade, fruit punch y Mountain Dew. Ta cumpra un tamaño regular y ta haya un cup grandi regalo.
Tin algun gadget tambe cu a un tas chikito di Pepsi cu lo regala cu compra di cualkier combo. Tambe lo bay tin tasting parti pafo di Calypso, cual t’e prome Hard Seltzer traha na Aruba y ta partiendo Frit-O-Lay dilanti di e tienda di Taco Bell na Santa Cruz, den cuadro cu e gran fiesta cu tin na Santa Cruz.
Calypso Hard Seltzer
Jonathan Harms, representante di Calypso Hard Seltzer, e prome y unico Hard Seltzer traha na Aruba, tabat’ey na Taco Bell na Santa Cruz pa celebra e reinauguracion, hunto cu Frito-O-Lay.
E ta conta cu Calypso Hard Seltzer ta traha di alcohol cu sabor. E ta un drink un poco light. E tin gas den dje y e tin sabor di fruta. E ta un concepto nobo pa Aruba y ta un producto cu ta trahando pa prome biaha y ta uno cu ta dunando resultado sumamente positivo na tur hende cu ta purb’e.
Esaki sigur lo bay dilanti. Mas hende purb’e y mas hende gust’e. Y cu cada nobo di un combo, ta regalando Calypso hunto cu ne.
Jonathan Harms ta invita henter pueblo di Aruba pa bin Taco Bell na Santa Cruz unda cu diabierna y diasabra p’e inauguracion di Taco Bell na Santa Cruz. A hinca hopi trabao eynan pa bin cu un di e luganan mas espectacular pa bin pasa cu bo famia.
