Fundacion CINEARUBA conhunto cu Ateliers ’89 y cu e apoyo di Playa Liquor & Bottling Company NV ta trece e tan gusta nochi di pelicula gratis. Diabierna 6 di september lo tin e pelicula Spaño El Mejor Verano de mi Vida, un comedia pa ful famia.
Tambe lo presenta e famoso seccion di pelicula cortico unda e siman aki lo tin e pelicula di Fernando Vermeer titula E Porta. Comunidad ta keda invita pa experiencia un nochi di pelicula bao di e streanan. Porta di Ateliers ’89 ta habri 7:30 di anochi y e peliculanan ta inicia 8:00 di anochi.
Ateliers ’89 ta situa na Dominicanessenstraat 34 net schuin tegenover di Maria College Mavo. Tur e peliculanan lo tin subtitulo na Ingles. Pa sa mas di Fundacion CINEARUBA su programa di nochi di pelicula por bishita nan pagina di Facebook www.fb.me/cinearuba.
