Departamento di Asunto Economico, Comercio y Industria (DAECI) ta informa cu a introduci un website nobo, www.deaci.aw. Aki tur persona por haya informacion
di e servicionan cu e departamento ta brinda y tambe otro informacionan riba e tereno di economia y comercio en general.
Pa loke ta trata e seccion pa permiso pa negoshi (Business License /Vestiging van
Bedrijven), DAECI ta informa su clientenan/comerciante cu, desde februari 2019,
mester haci un cita pa por busca/ricibi informacion, entrega un peticion of pidi copia
di un permiso.
Pa haci un cita (appointment/afspraak) pa e servicionan ariba menciona ta bay riba e
website (www.deaci.aw) riba e screen (scroll bay abou) ta clik riba “Appointment”. Aki tin diferente opcion relaciona cu e servicio desea. (“Choose a service ˅”) Dependiendo di e servicio desea, esaki por ta solamente riba dialuna, p.e. pa busca/ricibi informacion, entrega un peticion pa cambio di adres of pa pidi copia di un permiso. Riba diamars, diahuebs y diabierna, por entrega un peticion pa establece un compania nobo, pa un director of otro permisonan necesario. Si ta desea di p.e. introduci peticion pa mas cu un compania/negoshi e cliente mester haci afspraak pa cada peticion separa (diferente ora).
Pa esnan cu ta desea di ricibi nos servicio sin haci afspraak, tambe ta posibel solamente riba diaranson parti mainta (walk-in / inlopen). Parti merdia nos no ta atende publico. Tene cuenta cu nos ta atende un cantidad di persona y solamente 1 peticion pa persona. Ta importante pa informa cu, pa busca un permiso cu ta cla caba, no mester tin un cita. Por pasa di dialuna pa diabierna, cu excepcion di diaranson merdia, na oficina nr. 21. Orario pa atende cu publico ta 08:00 – 11:30 a.m. y 1:30 – 4:00 p.m. Por fabor tene cuenta cu e informacion cu nos a caba di comparti.
Tambe ta informa na nos clientenan cu nos ta duna servicio pa e documentonan necesario di Censo (Dienst Burgerlijke Stand en Bevolkingsregister). Mester paga e gastonan, pero mester tene na cuenta cu no lo ricibi e documento encuestion.
Departamento di Asunto Economico via nos seccion pa establecimento di negoshi ta spera cu asina nos lo por duna nos cliente un mihor servicio.
