Na un cas na Noord Cura Cabay a detene e chauffeur responsabel pa daño grandi cometi e anochi anterior despues di un “Hit & Run” riba caminda di Zeewijk. Ta resulta cu el a “horta” e jeep V-Wagen na e cas, pues a bay cu ne sin permiso di e huurdo, cu tabatin e auto pa bay offroad. El a dal e auto y bin par’e bek manera nad’un pasa.
Den e proceso, e homber a causa hopi daño na diferente vehiculo staciona bou un dak. E chauffeur a dal tras di un auto y sigui core y bandona sitio. Polis a presenta ayera pero no a logra haya e auto cu a causa e accidente y destruccion na infrastructura di e cas.
Awe diadomingo, den careda di 10:30AM, polis di districto di San Nicolas a haya nan cu confrontacion no solamente cu e sospechoso en cuestion pero tambe su amigonan presente na e cas na Noord Cura Cabay, cu a sinti cu nan bos of nan resistencia contra autoridad lo haci un efecto pa stroba e detencion di e sospechoso aki di tuma luga. A transporta e dicho sospechoso aki pa warda pa asina e bay responde pa su actonan.
