Despues di un caminda di cruz: Mayornan Cubano a logra nacionalidad pa nan yiu

Ariannis Rios Rodriguez ta un mama Cubano y e tabata den un situacion. Pa varios aña a lucha pa nan yiu logra haya su papelnan di nacionalidad Cubano.

Como cu e mucha no a nace na Cuba, sino na Aruba, y e mayornan no tin nacionalidad Hulandes, e mucha automaticamente mester haya nacionalidad di su mayornan. 

E situacion ta un poco complica. Como cu e mucha a nace na Aruba y no na Cuba, segun e leynan na Cuba, e mucha no por a obtene e nacionalidad pasobra e no a nace na Cuba.

Despues di esey, e ley di Cuba a cambia y ya por a haci tur e tramitenan pa e mucha por a haya su nacionalidad Cubano, via e embahada di Cuba cu ta na Hulanda. Tabata un caminda hopi largo, practicamente di dos aña.

E mayornan a haci tur e tramitenan, te ora cu Cuba a duna e respuesta positivo cu nan a acepta e nacionalidad Cubano pa nacimento di e yiu.

Ya e mucha tin su paspoort cu a wordo manda pa e mayornan, pa asina sigui cu e tramitenan na Aruba.

Nacionalidad

Segun Rios Rodriguez, ora cu un hende nace segun ley di diferente luga y no tin nacionalidad, ta manera cu e mucha no existi. Pasobra e no ta ni di un luga, ni di e otro. Ta manera cu e no ta existi.

 

Mayornan ta contento

Pa e mayornan tabata un logro hopi grandi. Un, pasobra nan por tin e mucha legal den e pais cu nan ta bibando aden. E por tin su AZV, e por tin su status legal en general y pa e mayornan, tabata un bendicion hopi grandi.

 

Mensahe

Te asina leu, no tin mas hende di Cuba na Aruba cu Rios Rodriguez sa cu su mesun situacion. Pero si tin pareha cu e mesun situacion, pa nan no cansa, y sigui cu e tramitenan, y haci’e manera nan y nan a logra, apesar cu e ta un caminda largo.

 

Baymento pa Cuba?

Segun e ley anterior na Cuba, como cu e mucha no a nace na Cuba, e mucha mester a bay biba na Cuba pa e por a haya e nacionalidad Cubano. E ley eynan afortunadamente a cambia y e ora a haci e tramitenan for di Aruba, cu e embahada di Cuba na Hulanda.

 

Un danki

Dayro Matos, tata di e mucha, ta duna danki na Aruba, cu ta un pais a ricibi nan desde cu nan ta eynan. E gracia na henter e pueblo di Aruba, e Arubianonan cu a ricibi nan, mescos cu Cuba a ricibi nan hopi aña atras, cu brasanan habri durante e crisis teribel cu Aruba a yega di pasa aden.

Tambe e ta duna danki na e oportunidad pa e yiu di nan pa logra haya e ciudadania Cubano den cual nan tabata hopi tempo nan tras. Pero despues di tres aña cu hopi esfuerso nan por a logra, despues cu nan a cambia ley, estando pafo di Cuba.

Antes e mucha lo mester a bay biba na Cuba pa tres luna pa por a logra haya e nacionalidad aki.

Awo, e mayornan a haya e oportunidad di ta den exterior, e mucha por a logra haya su paspoort Cubano.

Ta gradici tambe e consul Cubano na Hulanda, tambe nan amigo Leocadia cu tabata tras di esaki for di e prome momento y tambe un danki na Dios pa e logro aki.