E curpa di e Venezolano Maikel Serrano, di 35 aña kende ta procedente di estado di Miranda, a ser identifica na e isla di Aruba, despues cu su famia a raporta cu el a disparce durante un biahe for di Venezuela.
Serrano, kende tabata traha cu piedra, a biaha den un barco pa e isla di Aruba en busca di oportunidad di trabou. Sinembargo riba dialuna 7 di september ultimo, a bin localisa un curpa na e beach pariba di KIA, San Nicolas y autoridadnan a pidi su señora pa bin identifica su esposo, kende ta biba na Aruba. Esaki e periodista di Estado Falcon, Jhonnatam Petit a skirbi den su publicacion riba e caso caminda segun informacion di famia di e persona Serrano aki, e tabata tratando di bolbe bek na Aruba ora cu durante di e biahe pa Aruba.
Sinembargo, segun e publicacion, ainda no tin detaye di e boto den cual e tabata biaha y tampoco tin informacion riba cuanto hende tabata na bordo pero Serrano su sernan cerca ta considera cu e difunto lo a subi e lancha cu lo a Sali for di e municipio Falcon, den e peninsula di Paraguay.
Tampoco no a keda specifica te cu awor, condicionnan den cual Serrano y ni e cantidad cu e capitan di e barco lo a cobra pa e biahe clandestino pa Aruba.
E caso di Serrano ta wordo añadi na rapportnan di persona desapareci durante e tipo di movecionnan ilegal entre e costa di Falcon y e islanan di Aruba y Corsou. Segun e datonan no oficial, mas di 100 persona a desaparece riba e ruta menciona caminda e biahenan aki, cu por dura mas o menos 45 minuut, a bira un caminda pa Venezolanonan cu ta busca pa yega na e islanan ABC, den mayoria di caso, den forma ilegal.
Morto di Serrano a pone e situacion di famianan cu ta sigui spera informacion di nan sernan keri cu a desapareci durante e biahenan aki un tiki mas delicado sigur despues cu a pidi investigacion pa parti di e autoridadnan Venezolano y Hulandes, riba e negoshi aki, segun e publicacion.
Por a compronde cu famia ta insisti tambe cu lo a mata e homber aki, kende a biaha cu contrabanda di oro.
