Manera ta un custumber di tur aña, gobierno di Aruba, naturalmente den presencia di henter e pueblo, a tene su acto protocolario, pa asina duna inicio na nos Dia Nacional.
Invitado, mandatarionan, cu nan respectivo casa y tambe Gobernador di Aruba, Alfonso Boekhoudt y su esposa a haci acto di presencia. Tambe tabata tin invitadonan for di Corsou, Parlamentario, prome minister Eugene Rughenaath y su esposa y como tambe Gobernadora di Corsou cu su distinguido esposo.
Loke si tin cu remarca cu minister di enseñansa, Rudy Lampe, no tabata tey durante e acto protocolar, e prome pa Gabinete Wever-Croes.
Despues di e introduccion di e mandatarionan prome minister di Aruba, Evelyn Wever-Croes a duna su discurso, accentuando asina riba e nificado di nos bandera, escudo y tambe su gradicimento pa pueblo pa asina tene nos tradicionnan na halto, como tambe gradici invitadonan di Corsou y Boneiro pa tey presente pa asina celebra hunto cu pueblo di Aruba den e festividad akinan.
Tabata un ceremonia bon atendi pa grandi y chikito, como tambe e parlamentarionan di tur tres isla, pa asina rindi honor na nos bandera, escudo y himno.
