No tabatin man pa atende cu tanto accidente. Marduga riba caminda di paperclip rotonde direccion Paradera ( cerca di Polyrama) a sosode un otro accidente.
Den careda di 3:20 am un auto a bay dal den pali di luz. Esaki tabatin un transformator na dje. Cu esey por imagina caba cu hender e area a keda tambe a keda sin coriente, incluyendo riba Watty Vos Boulevard.
Dos persona den e auto a resulta herida y a keda pega den e auto. E palo di luz cu tur waya a keda colga riba e auto. Un peliger basta grandi cu mester a atende cu ne inmediatamente. Ademas di materialen wagen, ambulance y polis, mester a pidi presencia tambe di personal di Elmar y DOW pa cera e area pa por traga riba e daño grandi cu a tuma luga.
A transporta ambos victima direccion hospital mientras cu tabata purba kita tur peliger di coriente.
Na mes momento cu tabata atende cu e accidenta aki, a registra un otro na Morgenster cu tambe a laga e area sin coriente. E chauffeur di e accidente ey, a sigui core y yega te den area di e otro accidente y bay dal den un auto staciona. Por imagina cuanto tension tabatin pa atende cu tur dos suceso na mes momento.
E area a keda cera como cu e daño tabata asina extenso cu lo tin cu bay traha te den ora di merdia pa logra suministra coriente bek. Un anochi sumamente largo pa tur cu a traha.
