Pa 11’or di mainta, e centro di e Depresion Tropical number 5 tabata localisa 1300 kilometer oost-zuidoost di Barbados, moviendo west riba 19 kilometer pa ora.
Bientonan maximo sosteni ta cerca di 55 kilometer pa ora cu rafaganan di biento mas halto. E presion minimo central ta calcula riba 1010 mb. Ta premira cu e lo aumenta di forsa gradualmente den e proximo dianan, y e depresion ta pronostica di bira un tormenta tropical mas laat awe nochi of diadomingo.
E movecion general west ta spera di continua awe. E depresion ta bira bay west-noordwest ta pronostica riba diadomingo y cu e mocion aki ta spera di sigui te cu diamars. Riba e ruta pronostica, e ciclon tropical ta spera di ta cerca di e central di Antianan Menor riba diamars.
E ruta proyecta lo trece cu e ciclon tropical ta pasa riba un distancia sigur for di Aruba mas den e di dos mita di otro siman. Sinembargo e Servicio Meteorologico di Aruba lo sigui monitorea e progreso di e sistema di tempo aki.
