E campeonato di futbol Division Honor 2017/2018 ta yegando su final. E aña aki Deportivo Nacional lo ta defendiendo su titulo contra di SV Dakota. E final a inicia diaranson 27 di Juni unda Dakota a empata e wega cu Nacional. Esun cu gana diamars anochi ta bira campeon di futbol nacional na Guillermo P. Trinidad na Dakota.Desde comienso di campeonato Deportivo Nacional y SV Dakota a lucha fuerte pa por a yega final. Despues di a pasa pa semi final, Deportivo Nacional ta pasa cu 11 punto y SV Dakota ta pasa cu 10 pa asina bira e dos teamnan pa hunga p’e titulo maximo di Division Honor.
SV Dakota
SV Dakota ta existi desde aña 1947 caba y durante e su trayectorio a sa di logra conkista e titulo di campeon di futbol division di honor na mas di un ocasion den pasado. Sinembargo, e ultimo biaha cu el a bay cas cu e trofeo tabata na 1995.E organisacion ta conta cu futbolistanan di tur edad, cuminsando cu Mini baby, Baby, Lifida A, Lifida B, Menor, Mayor, Junioren, Damas y Division Honor. Na tur ta papia di mas o menos 175 hungado den total. Den e seccion di Division Honor, ta conta cu un ekipo cu 25 hungado, 4 staff tecnico y 4 miembro di directiva.
Deportivo Nacional
A funda Deportivo Nacional dia 15 di Maart 1970 y desde e tempo ey a haci historia den e deporte rey di futbol. Nan ta profila den tur liga di futbol, manera ta division mini baby, baby, Lifida A, Lifida B, Mayor, Junioren y Division Honor.