Segun Banco Central di Aruba, na augustus di 2020, Aruba a mira e volumen di yegada di turistanan cay di 96.100 na augustus di 2019 pa 17.420 na augustus di e aña aki, miho bisa, riba un 18,1% di e total logra na augustus di 2019. Na juli di 2020, Aruba a ricibi 12,921 turista, 12,5% di e total ricibi na juli di 2019.
Aruba a bolbe habri su frontera pa trafico for di Caribe Hulandes entrante dia 15 di juni, pa Canada y Europa entrante dia 1 di juli y for di Merca, entrante dia 10 di juli. Di e total di 17.420 pasahero ricibi na augustus, 88,1% (15.342) a bin di Merca y 7,9% (1.383) a bin di Europa. E cantidad di bishitante di Merca a cay cu 78,4% compara cu augustus di 2020, pasando di 70.990 na augustus di 2019 pa 15.342 e aña aki.
Den e prome ocho lunanan di 2020, Aruba a experimenta un caida di 66,6% den e cantidad di bishitante, pasando di 775,213 bishitante na 2019 pa 259,093 bishitante e aña aki. E cantidad di escala for di Merca a baha cu 65,8% durante e prome ocho lunanan, di 586.058 na 2019 pa 200.450 te cu augustus di 2020.
No tabatin bishitante di crucero na augustus ya cu nos a cera pa trafico di crucero. Durante e prome ocho lunanan di 2020, e cantidad di bishitantenan di crucero pa Aruba a reduci cu 52,9%, di 555.525 bishitante na 2019 pa 255.384 bishitante crucero e aña aki.
