Segun Banco Central di Aruba, e entradanan total di Gobierno di Aruba a reduci den 34,4 miyon di florin na augustus di 2020, un caida di 35,8% compara cu augustus di 2019. Esaki ta debi principalmente na un caida di 39% den belasting riba interes y ganashi, un caida di 12,3 miyon di florin compara cu augustus di 2019. Tambe tabatin un caida di 32,8% den belasting riba productonan basico, den su mayoria derechonan di importacion, (un reduccion di 33% of 5 miyon di florin) y un caida di 37,2% di ‘dropover tax’ (BBO/BAZV) cu a cay cu 7 miyon florin.
Durante e prome ocho lunanan di 2020 e entradanan total di Gobierno a cay un 30,7%, miho bisa, cu 289 miyon florin, di 940,3 miyon di florin na 2019 pa 651,2 miyon di florin den e mesun ocho lunanan di e aña aki. Tene na cuenta cu e cifranan aki ta preliminar y cu por tin cambio.
E entrada anual total di gobierno na 2019 tabata di 1,402,400,000 florin. Si e tendencia sigui durante e balans di 2020, Gobierno lo por perde entre 300 pa 400 miyon florin na entrada compara cu aña 2019.
Esaki ta segun informacion di Banco Central di Aruba den su tabelnan mensual di augustus di 2020.
https: // www.cbaruba.org/cba/readBlob.do?id=6976
