Den ora di mainta a sali ordo di detencion pa e dos sospechosonan den e caso di bringamento y destruccion di Gusto Nightclub y Azia Restaurant. Durante dia Chris Williams a presenta hunto cu su abogado mr. Desiree Croes na warda di polis pa entre su mes. Henter e proceso dje caso aki ta uno cuestionabel.
Aña pasa den luna di november cu tabatin e incidente den Azia Restaurant, famia di Chris Williams a tuma contacto cu mr. Croes. Aki caba nan a indica nan pensamento cu lo bay tin presion politico y pa tuma contacto cu recherche. Esey ta loke e abogado a haci, unda el a yama mas di shete biaha pero tambe a manda fax pa Ministerio Publico informando cu su cliente ta dispuesto pa presenta y duna un declaracion boluntariamente. Tur tempo a tende e parti politica, unda tabata bisa cu Williams lo ta fugitivo, no lo presenta. Pero desde principio abogado Croes a bisa cu su cliente no tin nada di sconde.
Williams kier duna su declaracion, pasobra nan no kier forma parti dje show politico, show rond di un posibel detencion. Nan no a tende nada mas, unda Pasco y aña a bolter, pero awo a bin afo e noticia cu tabata busc’e pa deten’e. Na momento cu a tende esey, nan a presenta merdia pa duna su declaracion. Segun Croes, Williams a bisa cu e no tabatin nada di haber cu ningun tipo di pelea, bringamento, abuso, dalmento of di destruccion.
Pa un cobertura mas amplio lesa e edicion di TREMPAN di mañan.
