Delroy TOG ta conoci pa su hits Un dia mas, Plan B, Bollie bollie y Tur loke mi ke ft Tyron Defreitas. Pero awo kier cambia su enfoke di carera pa drenta den e area internacional. Awo e tin un cantica nobo cu ta Rewind.
E produccion di e cantica aki, el a hacie cu Christian Goeloe y e ta contento con e video a keda na final. El a saca clipnan cu ta na Papiamento, pero awo ta lansa un producto internacional. Desde hopi aña Delroy TOG tabata prepara su mes p’e momento aki. el a cuminsa na skirbi poema, despues el a cuminsa skirbi musica y Delroy TOG ta sinti cu awo el a domina Papiamento. Asina ey el a cuminsa practica Ingles, cual tin un audiencia un tiki mas grandi.
El a cuminsa cu dancehall, cual ta un ritmo mas facil cu e por a bin cu su flow, melodia y na final el a dal riba e beat di Rewind. Pocopoco el a cuminsa skirbi e cantica, cual a tard’e dos siman mas of menos pa por tin algo pa traha cu ne y pa ta algo internacional. Aunke hopi biaha artistanan ta skirbi e letranan prome y despues melodia, pero den e caso aki Delroy TOG a traha e melodia prome ya cu e ta un persona kies keurig. E ta pensa cu e melodia ta loke ta yama atencion di un persona ora e tende un artista pa prome biaha.
E ta gradici tur cu a yud’e haci e cantica aki bira un realidad. Por haya e cantica riba tur plataforma manera Spotify, Apple Music, Amazon, tambe por mira e video riba YouTube. Por siguie riba social media Delroy TOG.
