Ayera durante e reunion semanal di Conseho di Minister, a tuma e decision pa nombra mr. Juan “Ady” Thijsen como representante permanente di Aruba na Europa. E ta sigui Cedric Tilma cu a ocupa e funcion tempo di AVP y despues Eddie Paris durante e prome gabinete Wever-Croes. A dicidi ayera cu pa e di dos termino, lo postula Thijsen na Bruselas, pa cual e lo mester entrega su asiento den Parlamento, cu lo pasa pa Ricky Hoek.
Ta for di despues di eleccion caba a scucha e rumor cu posiblemente lo manda e ex-presidente di Parlamento di Aruba pa un funcion na Europa. Na un prome instante a papia di Minister Plenipotenciario, pero mescos cu a sosode na 2017, ta parce cu na 2021 atrobe e no a logra yega na dicho funcion.
Guilfred Besaril a keda cu e funcion mientras cu Thijsen no por a bay den e funcion di presidente bek tampoco, sino mas bien como un miembro di parlamento. Djey a start e intencion pa mand’e como representante di Aruba na Belgica. E lo establece na Hulanda cu un cas, auto y tur comodidad cu un representante digno di nos pais merece. Pa lesa mas subi TREMPAN.
