Stellaris Casino semper ta bin cu promocionnan unico y esaki ta e caso un biaha mas, unda cu nan bin cu algo nobo, cual ta Deal the Cash promotion.
Deal the Cash Promotion ta un promocion hopi atractivo unda cu e casino hunto cu nan hungadonan, of e ganadonan, por scoge e premio e anochi aki. Maribel Kock, Casino Marketing Supervisor a splica un poco di e wega, unda cu e cliente tin un siman, for di dialuna te cu diadomingo, minimo 25 punto hungando na slot machine, e ta acumula un ticket. Y tambe tur esunnan cu ta gusta hunga na mesa, tambe ta acumula ticket.
E promocion aki ta un concepto ful nobo den luna di november, unda cu nan kier interactua mas cu e hungado cu ta bin gana na Stellaris Casino. Ta saca un nomber y pa gana na Stellaris Casino, e cliente mester ta presente, unda cu e tin chens di gana mas premio y multiplica esaki asina cu e nomber sali tur diadomingo.
Mas aleu, Kock a bisa cu tur diadomingo Stellaris Casino tin e rifa y e prome sorteo ta pa 8:00pm y cada ora te cu 10:00pm, unda cu lo saca cinco ganado. Ta cinco ganado cada ora cu , cu lo por participa den Deal the Cash y nan lo Cash Blast na oficina.
Actualmente, nan ta den e concepto di november, di Thanksgiving y nan lo sigui cu ne den luna di december, cu Jingle Bills Promotion Deal the Cash, Blast the Cash. Ademas di esaki, e wega riba e board Deal the Cash ta hopi interactivo cu nan hungadonan y asina cu nan yega Casino sigur nan ta gana 100 dollar na ‘freeplay’. Y depende kico e hungado score riba e Deal the Cash board, nan por gana te hasta mita di e premio ey, Maribel Kock, Casino Marketing Supervisor a indica.
Deal number uno, pa por haya mas, por haya deal number dos y deal number tres:esaki ta nifica cu e cliente por pasa na Stellaris Casino y gana hopi premio solamente door di hunga na machine. Ta 25 punto so e cliente mester pa e haya su ticket p’e participa. Pasa na Stellaris Casino y hunga Blast the Cash, e Deal the Cash.
Ofo Escudero, Casino Host, a splica un poco mas di e wega, unda cu e minimo cu e cliente por gana ta 200 dollar y e maximo ta 2500 dollar. Si e cliente ta durf, e ta bay na Blast the Cash, unda cu por ehempel e cliente ora di spin e por gana locual el a saca den Deal the Cash, pero e cliente por gana dobbel, si e saca 2500 dollar e por gana te hasta 5000 dollar. Si e tin suerte e ruleta cay riba 3x the win, e cliente por gana te cu 7500 dollar.
Escudero a invita un y tur pa bin hunga na Stellaris Casino unda cu e cliente ta Sali e ganado. Tur anochi tin diescinco ganado en total y cada hungado ta haya 100 dollar pa por hunga. Bin purba bo suerte na Stellaris Casino y sinti e experiencia di ta un ganado.
