Recientemente Gobernador di Corsou, su Excelencia Lucille George-Wout a haci un invitacion na e Raad van Advies di Corsou pa un lunch na Fort Amsterdam.
E Gobernador ta tene reunion regularmente cu e Raad van advies en su capacidad como voorrzitter di e raad. Durante e lunch a intercambia diferente pensamento relaciona cu casonan legislativo y di maneho actual.
E tarea principal di e Raad van Advies ta enfoca riba duna conseho importante riba ley y maneho y como tal gobierno tin e deber di scucha conseho di e Raad van Advies.
E ta un obligacion di gobierno pa haci tal, riba proposicion/ehecucion di landsverordeningen cu kier presenta den Staten, riba propuesta di landsbestuiten y si nan ta tene nan mes na e algemene maatregelen cu locual nan tin intencion di propone.
Na banda di esaki e Raad van Advies ta duna Staten conseho riba initiatiefontwerplandsverordeningen prome cu esakinan keda trata. E raad ta duna informacion general tambe cu por haya riba nan website: www.raadvanadvies.cw
