Un ciudadano a trece su preocupacion dilanti, pa loke ta un caso di intimidacion cu su yiu cu ta cera actualmente. E ta indica cu pa motibo di envia y jaloezie, nan a laga cera su yiu indicando cu e lo a golpia un muhe. E ciudadano ta alega cu nan a pone camara den su camber, cual e ta indica cu ta prohibi. Hendenan ta bin su cas y mocha su matanan cu un machete.
Fuera di esey ta menas’e cu machete. Tambe tin muchanan baldadi ta bin y kibra su bentananan di cas. E ta sigui menciona, cu su yiu homber, Ricardo Thomas, a supera hopi. E ta un yiu di tera, e ta un Arubiano y no ta stranhero, e ta indica. Segun e mama, tur esaki tambe ta cuestion di politica tambe. E caso aki ta uno cu a bay basta leu, segun e dama. E ta un inhusticia cu no ta bon.