Yamadanan ta drentando e dianan aki cu den oranan di anochi ta mira truck di chupa pos ta tira awa den dam na Tanki Flip. E molester di bay te Zeewijk ta causa cu cierto chauffeur di truck ta bira floho y ta opta pa “bash’e unda cu ta”.
Nan ta keha cu pa bay cu nan truck te Zeewijk ta traduci den un gasto extra di combustibel cu dificilmente nan lo por pasa sin mas na e clientenan. Pa miedo cu e cliente ta keda sin uza nan servicio, ta opta pa tuma e trabou pero deshaci di e awa di pos den damnan tur rond di nos isla.
Mescos cu den e dam di Tanki Flip ttambe constantemente trucknan ta bay basha nan awa sushi den e area di Noord y tambe na Sabanilla Abou. Bisiñanan diripiente ta haya holo stinki y ta raporta cantidad di sangura y musca na nan cas.
Instancianan concerni no tin e situacion bou di control. Y ora bo ta atende cu algun chauffeur di truck iresponsabel, e situacion ta bira pio. Nan no ta worry y ta djis basha e awa unda cu ta manera ta pasando den e dam di Tanki Flip.
Pueblo mester ta atento y graba tur e trucknan cu ta desvia di e ruta oficial pa hiba awa sushi den zona residencial of basha esaki den cierto tereno unda no ta permiti pa ley!
