Bo ta pensando pa habri un Centro di Cuido & Guia di mucha? Bo ta puntra bo mes ki pasonan bo mester tuma pa realisa esaki? Ata un bon oportunidad!
Den luna di September Fundacion Pa Nos Muchanan ta organisa e curso “Logra bo centro di Cuido di Mucha”. Durante e curso bo lo haya informacion amplio di e componentenan pa logra habri bo crèche, pasadia of traimerdia. Alabes nos ta yuda bo fiha atencion riba e puntonan mas importante di un Centro di Mucha. Trabou den Cuido y Guía di mucha ta dushi, pero alabes hopi responsabel. Pa e motibo aki ta importante pa ta bon prepara prome cu bo habri bo Centro.
E curso ta consisti di: – 4 les riba e fechanan: 4, 6, 8 di september y 15 di september 2017 Horario: 9.00 am pa 13.00pm (8 september: 11.00am pa 16.00pm) – 2 charla (lezing) riba fechanan: 5 september y 7 september Horario: 7pm pa 9pm Mester participa na tur 6 sesion pa haya bo certificado. Luga: Fundacion Pa Nos Muchanan, Cumana 2 No soña so, si no informa bo mes, planea y … logra bo centro di mucha! Pa mas información por tuma contacto cu nos na T: 588-0856 of 583-4247 E:[email protected]
