Un rato pasa a drenta e noticia tristo cu Ashford Ignacio, miho conoci como Patula, a fayece di forma inespera. Su hefe a yama su cas mainta pa pidie subi overtime awe, pa e tende cu e Duanero a caba di haya un ataca di curason y a fayece na cas. E tin apenas 42 aña di edad.
Ignacio ta traha como Duanero na aeropuerto. Ayera el a traha Avonddienst y a baha warda bay cas pa awe mainta e muri debi na un complicacion cu curason. No ta conoci si e tin un historia di enfermedad di curason.
Pa Cuerpo di Duana e dolor ta dobel, pasobra mama di e defunto tambe ta traha na Duana pa hopi aña caba. Ta trata di Maria Grijt cu ta emplea den e seccion di administracion di Duana.
Hopi forsa na famia, amigonan y coleganan di Patula, den e momentonan di tristesa aki. Cu Ashford Ignacio sosega na paz.
