Dialuna atardi alrededor di 4:15 pm polis a presenta na un cas situa na Tanki Leendert. Aki e doño a splica autoridad cu cuater cacho brabo, di e rasa pitbull, a rasca y morde tur su auto lagando daño material significante atras. E doño a logra capta imagen di e suceso riba su camara di siguridad.
Polis a tuma e datonan y a bay en buskeda di e cuater cachonan. E doño a splica cu no ta prome biaha e cachonan aki ta causa daño material na su auto. Forensys165 tambe a presenta pa asina documenta e daño material.
