Durante di e ultimo añanan, por a mira cu Hulanda a tuma un interes hopi grandi den e proyecto di Fast Ferry, segun Rafael Estrada Nan no a compronde dicon no tabata tin un proyecto di Ferry entre e islanan ABC. Un proyecto asina ey lo trece desaroyo economico, trece cuponan di trabao cu ta asina necesario, tanto pa Aruba, Boneiro y Corsou.
Pa bo tin un idea, un Fast Ferry na islanan Canaria, ta duna trabao na 120 hende directo. Nan ta uza un vuistregel, cu tin cu multiplica cu 5, cu ta bay crea 600 cupo di trabao pa e tres islanan. Mirando cu minister Plasterk a bin Aruba, Boneiro y Corsou y tabata promove e proyecto,a duna e estimulo necesario pa por sigui cun’e. Segun Estrada, sinceramente e ta un proyecto cu por trece hopi bienestar economico y social pa e tres islanan.
Con leu nan ta
Segun Rafael Estrada, awendia, mirando e interes y e determinacion di e gobierno actual, awor aki tin contactonan entre gobiernonan di Aruba y Corsou, pa firma un MoU, entre tur tres isla. Dos aña pasa, Corsou y Boneiro a sigui traha riba e proyecto. Nan a haya un operador Hulandes cu kier a opera e Ferry di Boneiro pa Corsou. Awor aki, gobiernonan di Corsou y Boneiro na prome instancia mester bay firma un MoU, despues mester bay bin un PSO (Public Service Obligation), caminda cu e dos gobiernonan ta bay designa kende ta bay ta e trata cu e operador y ta bay legvast den un documento huridico tur e acuerdonan cu mester wordo haci, tanto pa Gobierno di Aruba, gobierno di Corsou , gobierno di Boneiro y e operador di Ferry.
Por ehempel, awor e reto grandi di e gobierno di Aruba ta, cu no tin fondo pa traha cun’e. Kico por haci. Ta palabra cu e operador di Ferry. E operador di Ferry, si tuma ehempel di Islanan Canaria, Fred Olsson, nan mes ta traha nan propio puerto. Por bisa cu nan ta bay traha e puerto di San Nicolas, pasobra mester di un puerto pa e Ferry por sali for di dje. Na prome luga tambe mester traha riba e dunamento bek di e tereno pa gobierno di Aruba por asigna y designa e luga, caminda cu e Ferry ta wordo opera.
For di momento cu Minister Chris Romero a tuma contacto cu su coleganan na Corsou, ta di supone cu dentro di dos luna mester por tin e MoU.
Despues ta bay traha riba e documento legal y esey ta bay defini tur e acuerdonan cu mester bin pa tur hende sa kico ta nan responsabilidad. Esey por tuma seis luna.
Despues di esey mester duna tanto Douane y Imigracion e tempo pa nan por leid op tur e hendenan cu ta bay traha cu e Ferry pa nan ta prepara pa ora cu e Fast Ferry Operation cuminsa.
Tambe tin e hecho cu e Fast Ferriesnan ta schars. No ta asina cu si kier cuminsa cu un Fast Ferry mañan, cu tin esey disponibel. Sa cu Fred Olsson tin un window of opportunity, pa motibo cu nan ta bay haya na 2019 y na 2020, tres Fast Ferry nobo. Esey ta nifica e ora ey, si laga nan sa na tempo, cu por bin na remarca pa haya un di e Fast Ferrynan cu ta bin disponibel, e ora ey pa haci e operacion entre Aruba y Corsou. Best Case Scenario fin di 2019, sino cuminsamento di 2020.
