Durante di e reunion bilaterial cu e presidente di Costa Rica, sr. Carlos Alvarado Quesada, hunto cu e vice presidente y alabes minister di Asuntonan Exterior, sra. Epsy Campbell Bar, a palabra riba e relacionnan bilateral entre costa Rica y Reino, y en particular Corsou.
A palabra concretamente cu Costa Rica y Corsou lo bay traha hunto y comparti conocemento y experiencia riba e proyecto di combatimento di pobresa na Costa Rica, agenda 2030 y metanan di desaroyo sostenibel (Sustainable Development Goals) y e posibilidad pa reforsa e relacionnan economico bilateral.
Tambe a palabra riba e acreditacion di Universidadnan na Costa Rica. E intension ta cu dentro di poco lo biaha un comision for di Corsou pa Costa Rica pa asina bishita e universidadnan.
Tambe lo traha hunto den cuadro di e Tratado di San Jose, pa combati crimen organisa y e investiga posibilidadnan pa por palabra hunto materianan di e region amplio Caribense.
