Diamars Cruz Cora Aruba a tene un exposicion den e Grand Ballroom di Marriott Resort & Casino. Ta trata di e Biba Bida Expo 2022.
Biba Bida ta un programa di Cruz Cora pa varios aña caba, specialmente pa nos adultonan mayor, di rib a 65 aña. Door di Covid-19 e ultimo dos añanan, no tabata por a haci un expo manera tabata e custumber pa hopi aña. Indra Pereira, Marketing & Operation Cruz Cora Aruba, a indica cu porfin e aña aki nan tabata por a haci e expo aki manera mester ta, enbes di solamente cu charla . E concepto di diamars tabata un logro, ya cu por a haci un expo manera cu mester ta, bou un solo dak. Nan ta ofrece charla intresante na nos grandinan, cu presencia di dokter di diferente specialisacion.
Durante dia nan tabata tin diferente charla, tambe tabata tin diescinco instancia cu ta traha pa nos grandinan, manera Wilhelmina Kankerfonds, FEPO, FAVI, Centro Kievit, Movimento ta Bida. Ta trata di varios instancia cu ta duna servicio na nos adultonan mayor, pa nan bin duna mas informacion na Aruba su adultonan mayor.
Pa un relato mas amplio, lesa bo corant digital TREMPAN.
