E solo hecho cu Minister Danqui Oduber kier cambia maneho di Gobierno pa loke ta deporte, no ta motibo pa retira Raad van Toezicht di Fundacion Lotto pa Deporte.
Pero si e directiva y Raad van Toezicht di FLPD mester tene cuenta cu e maneho cu Gobierno ta prefera y ta spera di FLPD cu nan ta adapta e maneho di e fundacion riba e maneho adapta aki. Esey tabata e decision di Corte den e caso cu e miembronan retira a entabla. Nada menos 9 biaha e veredicto aki a keda posponi. Den e sentencia por lesa cu e Minister a tuma e decision pa retiro sin cu tabatin motibo hustifica presente. Di e forma aki, segun Corte, e mandatario a uza e autoridad duna na dje, no un forma no debido.
Loading...
Reload document 
Open in new tab Corte a bisa cu e demanda di e miembronan pa nan por sigui haci nan trabou sin molester a wordo otorga, pues a destrui e cartanan di retiro. Nan mester por haci nan trabou di forma independiente. Esey ta nifica cu e Minister no ta autorisa pa mete directamente cu nan trabou na un manera cu no ta prescribi den e Statuut y principalmente, e no ta autorisa pa haci dificil pa e miembronan haci nan trabou of ehecuta nan tareanan manera poni den Statuut.
Hues a bisa tambe cu di loke e miembronan a trece dilanti no a mustra suficiente cu e minister lo no laga nan haci trabou manera Statuut ta bisa.
Ta señala tambe cu e autoridad di e Minister pa retira miembronan di Raad van Toezicht, mirando loke cu a tene na consideracion den e caso aki, ta trece cun’e cu e Minister en principio tin e autoridad pa haci pregunta na miembronan di Raad van Toezicht pa husga si nan ta haciendo nan tarea debidamente. Corte ta spera cu ambos partido lo comporta nan mes segun e reglanan aki. Basa riba esaki Corte a bisa di no ta mira motibo pa condena Gobierno of Pais Aruba pa laga e miembronan di RvT haci nan trabou sin molester.
Dia 3 di januari, 2018, Minister Oduber a nombra cinco miembro nobo, cu ta e maximo miembronan cu Statuut ta permiti. Corte awo a dicidi cu e carta di retiro di e miembronan di dia 3 di januari, 2018 ta keda destrui. Esaki ta nifica cu nombramento di e cinco miembronan nobo dia 3 di januari, 2018, tabata en pugna cu e Statuut pasobra no tabatin vacatura, pasobra Corte a destrui e carta di retiro cu forsa retroactivo. Pues resumiendo e retiro no ta valido, e cartanan di retiro a keda destrui, por lo tanto no tabatin vacatura pa yena cu miembro nobo.
