Ayera mainta corte a trata e caso contra un chauffeur kende tabata envolvi, na aña 2020, den un accidente fatal. El a alcansa un peaton riba Watyy Vos Boulevard. E señora Marylaine Lopez a presenta den corte cu su abogado mr. Desiree Croes. E abogado a trece dilanti diferente punto cu a convence hues cu no por declara e señora culpabel di morto pa negligencia no intencionalmente. A menciona cu no ta comprende mes dicon e caso aki ta bini dilanti despues di dos aña, na momento cu e señora a logra surpasa un poco e accidente aki cu a afecta su persona tambe.
A bisa hues cu declaracionnan ta mustra cu e dama aki no por a haci nada pa evita e accidente aki pasobra simplemente e homber a core pasa caminda for di otro banda di caminda, a slip cay dos biaha ora cu el a crusa caminda riba Watty Vos Blvd. El a slip cay, lanta y bolbe cay dilanti auto di e chauffeur, kende a hala na banda robes di e caminda, pasobra tabatin un grupo trahando riba mantencion di caminda. Riba dje, ningun chauffeur ta spera cu un hende ta bay cruza caya riba un highway.
Hues a bisa e ama di cas y trahado boluntario cu e ta absolve di tur acusacion. Pa mas detayes, lesa e edicion awe di TREMPAN.
