Corsou ta riba codigo geel di mal tempo, cual lo dura te cu diaranson, 10’or di mainta. Esaki ta debi na awasero fuerte cu por causa inundacion y/of derumbe di tera y baranca na cierto partinan di e isla.
Tambe e rafaga di biento por causa localmente cierto destruccion riba su ruta y por ultimo lamper y strena por cay y por causa daño.
Pa loke ta trata Aruba, nan tin solamente aviso pa embarcacionnan chikito, mirando cu e tempo ta mas zuid oost di Aruba.
Aunke tin cu bisa cu nan ta monitoreando di cerca y si tin algo cu por afecta nos directamente, nan lo saca un alerta pa comunidad.
Tur esaki tin di haber cu e ola tropical cu ta poco leu ainda cu ta interactua cu aire humedo y instabil.
Henter e siman aki tabata asina caba, pero mayoria di tempo a keda poco leu di nos.
Pronostico di tempo local
Awe anochi, shelo lo ta parcialmente nubla cu chens pa un awasero pasahero den marduga y mañan, shelo lo ta parcialmente nubla cu localmente un awasero.
Temperatura maximo lo ta di 33 grado celsius y temperatura minimo lo ta di 27 grado celsius..
Situacion general di tempo:
Den proximo 24 ora atmosfera regional lo ta humedo y esaki lo pone temporalmente mas nubia forma riba region local. Pa e motibo aki por spera localmente algo di awasero.
Tempo tropical significante:
Tormenta tropical Leslie tabata moviendo riba Atlantico central, west- zuidwest di Azoren, y no ta un peliger pa area di Caribe.
Horcan Mmichael tabata situa zuid di Panama City, Florida y ta moviendo noord.
E sistema aki no ta peliger pa nos region.
E recien forma tormenta tropical Nadine, tabata situa west- zuidwest di e islanan Cabo Verde y ta moviendo west- noordwest riba awanan habri di oost Atlantico.
E sistema aki ta solamente un peliger pa nabegacion maritimo.
Potencial di awacero pa proximo 24 ora: 1 te 3 mm; localmente esaki por varia
Pronostico di tempo pa proximo tres (3) dianan:
Levemente te parcialmente nubla cu localmente un awasero.
Biento lo ta modera for di direccion oost- noordoost te oost- zuidoost;
Den dia basta fuerte te posiblemente fuerte den rafaga;
Temperatura max / min lo ta: 33/27
