Situacion ta escalando cada rato mas y mas den centro di cuidad na Corsou. Manera a informa mas tempran, manifestantenan no ta contento y situacion bayendo for di man cu candelanan grandi.
A cende patruya di polis na candela, bus, bari di sushi y material cu tin den cercania. Tiramento di boter y obheto den direccion di polis cu ta purbando di domina e situacion. Destruccion grandi tumando luga den Punda momento cu nan a tumba kioskonan abou y demas actonan tumando luga. Te na e momento nan aki ningun Gobernante no a sali bin atende cu manifestantenan, tampoco tin un persona/grupo encarga of liderando e marcha aki.
Miembronan di prensa cu ta na sitio tambe den peliger na momento cu manifestantenan ta tira piedra, boter y demas obheto den nan direccion tambe y ta keda informa e comunidad cu imagennan dramatico riba e destruccion tumando luga.
Riot team di su banda tirando “traangas” riba manifestantenan cu te na e momentonan aki no ta siguiendo ordo di polis. Situacion no ta bou di control y ta premira cu esaki lo escala aun mas den oranan nos dilanti. Lo conitua monitoria e situacion pa informa comunidad riba tur sucedio tumando luga.
