Conseho di Minister di Corsou a dicidi cu tur empleado publico ta traha diabierna normal. Pues lo ta liber diahuebs dia 27 di april riba Dia di Rey y tambe dialuna pa Dia di Obrero. Pero diabierna, cu na Aruba a duna un veplichte ATV Dag lo no ta aplicabel pa nos rumannan Yui di Corsou. Den e companianan estatal na Corsou a forsa e trahadonan pa tuma un “snipperdag” y asina kit’e di nan vakantie, pues nada di dia liber den forma di “puente” di paisnan Latino Americano of “long weekend” manera ta bisa na Ingles.
E sindicatonan na Corsou a haci un apelacion na Conseho di Minister pa reevalua nan decision debi cu e empleadonan publico a duna asina tanto di nan, a entrega den pandemia y awo…en bes di premia nan, ta opta pa castiganan di e forma aki.
Mester menciona cu aki mes na Aruba, gremio comercial no ta mucho contento cu servicio di Gobierno ta cera diaranson te diamars otro siman. Esey riba su mes ta stanca economia di nos pais. Pero contrario na e otro dianan liber, a opta e biaha aki pa “lag’e bay numa” realisando cu no tin mucho di e dianan liber aki mas e aña aki.
